día y hora

sábado, 14 de abril de 2012

NORTADA-Poesía. Estrofas en Quintillas (rima, a-b-a-a-b)

NORTADA


(á miña familia gaditana, con agarimo)

I
ESTE VENTO TAN SENTIDO,
QUE NO VRAN XEA AS ÁNIMAS,
NO INVERNO BOTA UN BRAMIDO
POR MOITOS DESCOÑECIDO,
QUE CHEGA ATA AS ENTRAÑAS.

II
ASUBÍA NOS TELLADOS,
AS RÚAS ESTÁN DESERTAS,
OS BARCOS AMARRADOS
OS AMORES FONDEADOS
NAS NOSAS MANS ABERTAS.

III
O MAR ALPORIZADO,
NO PEIRAO AS GAIVOTAS,
O CEO ESNAQUIZADO
POLO VENTO ASOLAGADO
DE ABOUXANTES NOTAS.

IV
EUCALIPTOS E PIÑEIROS
AZORADOS POLO VENTO,
OS CARBALLOS SILANDEIROS,
FUNGA O VENTO POLOS EIDOS
DO MEU CORPO E DO MEU BEIZO.

V
BATE O VENTO NO PENEDO,
ENTRA O FRÍO POLAS CASAS,
ALUMEAMOS O MEDO
DEITÁNDONOS MOI CEDO
EN HÚMIDAS, FRÍAS SABAS.

VI
BRINCADEIRA A GAMELA
BATE NAS ONDAS DO MAR,
NO PEIRAO FICA SENLLEIRA
A MIÑA DORNA POLBEIRA,
¡QUÉN POIDERA NAMORAR!

VII
NON É VENTO DO NORDÉS,
NON É VENTO, NIN É NADA,
PON A TESTA AO REVÉS,
VENCHE O FRÍO POLOS PÉS;
ASÍ É NOSA NORTADA.

VIII
AZUL VERDE ULTRAMAR,
NA PROCURA DE ILUSIÓNS,
BOTO A DORNA A ESTE MAR
E CO VENTO NAVEGAR
RUMBO A ÍTACA DE ONS.

IX
A SAUDADE ESQUECIDA,
VENTO DO NORTE AQUILÓN,
A MIÑA NENEZ REVIVIDA
DENTRO DO CORPO DURMIDA,
SOÑOS DE VIDA E DE AMOR.

No hay comentarios: